Shant Digital TV

Օգտագործման կանոններ

1. ԸՆԴՀԱՆՈՒՐ ԴՐՈՒՅԹՆԵՐ ԵՎ ՊԱՅՄԱՆՆԵՐ

1.1 Ստորև սահմանված ընդհանուր դրույթները և պայմանները (այսուհետ՝ «Դրույթներ») կիրառվում են «Շանթ» սահմանափակ պատասխանատվությամբ ընկերության (այսուհետ՝ «Շանթ» կամ «մենք», «մեր», «մեզ») «Shant Digital TV» հավելված, ինչպես նաև դրա թարմացումներ (այսուհետ՝ «Հավելված») մուտք գործելու, այն ներբեռնելու և/կամ Հավելվածն օգտագործելու կապակցությամբ: Շանթն իրավասու է ցանկացած պահի սեփական հայեցողությամբ միակողմանիորեն փոփոխել սույն Դրույթները՝ հաշվի առնելով Հավելվածի օգտագործման առանձնահատկությունները:

1.2 Մուտք գործելով Հավելված, այն ներբեռնելով և/կամ օգտագործելով՝ Բաժանորդը (այսուհետ նաև՝ «Դուք», «Ձեր», «Ձեզ») համաձայնում է, որ ծանոթացել, հասկացել և ընդունել է սույն Դրույթները:

1.3 Սույն Դրույթներում ներառված բոլոր կարգավորումները հանդիսանում են հրապարակային առաջարկ (օֆերտա) և բաժանորդագրվելու ցանկություն ունեցող անձի կողմից դրանք ընդունելու (ակցեպտավորելու) պահը հանդիսանում է Բաժանորդի և Շանթի միջև պարտադիր իրավական ուժ ունեցող պայմանագրի (Բաժանորդագրության պայմանագիր) կնքում:

2. ՍԱՀՄԱՆՈՒՄՆԵՐ

2.1 Սույն Դրույթներում ստորև ներկայացվող եզրույթներն ունեն հետևյալ նշանակությունը.

2.1.1 «Հավելվածների խանութներ»՝ Apple Inc. ընկերության iTunes Store, Google ընկերության Google Play, Samsung Group ընկերության, LG Corp. ընկերության և այլ առցանց խանութները, որոնք ընդունելի կհամարվեն Շանթի կողմից:

2.1.2 «Catch-Up հնարավորություն»՝ Հավելվածում կամ դրա միջոցով հասանելի գործառույթ, որը հնարավորություն է ընձեռում որոշակի Հեռուստակոնտենտ կամ դրա առանձին բաղադրիչներ հետ կամ առաջ տալ, դադարեցնել (ժամանակի մեջ տեղաշարժել)՝ այդպիսի Հեռուստակոնտենտի հեռարձակման պահից հետո որոշակի ժամանակահատվածում՝ ըստ համապատասխան Սակագնային պլանի/փաթեթի պայմանների:

2.1.3 «Catch-Up հեռուստահաղորդումներ»՝ Հեռուստակոնտենտ, որը կարող է հասանելի դառնալ Catch-Up հնարավորության միջոցով:

2.1.4 «Մտավոր սեփականության իրավունքներ»՝ մտավոր սեփականության օբյեկտները և/կամ դրանց նկատմամբ իրավունքները:

2.1.5 «Վնաս»՝ ՀՀ քաղաքացիական օրենսգրքի 17-րդ հոդվածով նախատեսված վնասը, ինչպես նաև դատական ծախսերը։

2.1.6 «Հավելված»՝ «Shant Digital TV» հավելվածը, որը նախատեսված է Հավելվածների խանութից ներբեռնման համար և որի միջոցով կարելի է մուտք գործել ու օգտագործել Հեռուստակոնտենտ՝ Տեսադարան բաժնում:

2.1.7 «Հավելվածի կոնտենտ»՝ Հավելվածում պարունակվող կամ դրա միջոցով ցուցադրվող բոլոր նյութերը, տեղեկատվությունը, գործիքները, կոնտենտը, հղումները, նշանները և/կամ տարբերանշանները (լոգո), ինչպես նաև բոլոր տեսակի համակարգչային ծրագրերն ու կոնտենտը, որոնք կարելի է ներբեռնել և/կամ մուտք գործել կամ որոնք հասանելի են Հավելվածի միջոցով, ներառյալ՝

ա) Հավելվածում կամ դրա միջոցով առաջարկվող և հասանելի դարձվող բոլոր հնարավորությունները, գործառույթները և/կամ Հեռուստակոնտենտը,

բ) բոլոր գովազդները, խթանիչ ակցիաները և առաջարկները (Շանթի կամ որևէ երրորդ անձի),

գ) երրորդ անձանց և/կամ երրորդ անձանց պատկանող կամ վերջիններիս կողմից տրամադրվող ապրանքներին և/կամ ծառայություններին առնչվող բոլոր նյութերը, տեղեկատվությունը, գործիքները, կոնտենտը, հղումները, նշանները և տարբերանշանները,

դ) Հավելվածում զետեղված՝ երրորդ անձանց հարթակներին կատարվող բոլոր հղումները, և/կամ

ե) երրորդ անձանց կոնտենտը:

2.1.8 «Դրույթներ»՝ Ընդհանուր դրույթները և պայմանները, որոնք ժամանակ առ ժամանակ կարող են փոփոխվել:

2.1.9 «Երրորդ անձանց կոնտենտ»՝ Երրորդ անձանց հարթակներում զետեղված բոլոր նյութերը, տեղեկատվությունը, գործիքները, կոնտենտը և/կամ հղումները (երրորդ անձանց առնչվող և/կամ երրորդ անձանց պատկանող կամ վերջիններիս կողմից տրամադրվող ապրանքներին և/կամ ծառայություններին առնչվող):

2.1.10 «Երրորդ անձանց հարթակներ»՝ երրորդ անձանց պատկանող կամ վերջիններիս կողմից շահագործվող կամ տրամադրվող ինտերնետային կայքերը, բջջային հավելվածները և/կամ այլ հարթակները:

2.1.11 «Հեռուստակոնտենտ»՝ ցանկացած տեսակի նյութերը, հեռուստաալիքները, հեռուստահաղորդումները (ներառյալ դրանցում պարունակվող ցանկացած գովազդ) և/կամ այլ տեսակի կոնտենտը (տեսողական, լսողական, տեսալսողական)։

3. ՀԱՎԵԼՎԱԾԻ ԿԻՐԱՌՄԱՆ ՊԱՅՄԱՆՆԵՐ

3.1 Հավելվածի օգտագործման կապակցությամբ, Դրույթների հետ միաժամանակ, կիրառելի են նաև Հավելվածի կիրառման պայմանները։

3.2 Դուք ընդունում և համաձայնում եք, որ Հավելվածը ներբեռնելու, Հավելվածում գրանցվելու, Հավելված մուտք գործելու և այն որևէ կերպ օգտագործելու համար պարտավորվում եք ցանկացած պահի գործել Դրույթներին համապատասխան և հայտարարում ու երաշխավորում եք, որ Դուք.

3.2.1 Հավելվածը ներբեռնել եք Հավելվածների խանութից,

3.2.2 Հավելվածը կներբեռնեք, Հավելված մուտք կգործեք կամ այն կօգտագործեք առնվազն հետևյալ պահանջները բավարարող բջջային հեռախոսով, սմարթ հեռուստացույցով կամ այլ համապատասխան շարժական սարքով,

3.2.3 Կատարել եք որոշակի միացումներ (ներառյալ ինտերնետ կապի միացումներ՝ անլար, շարժական տվյալների փոխանցման (mobile data) կամ ցանկացած այլ եղանակով):

3.3 Կախված Սակագնային պլանի/փաթեթի պայմաններից Հավելվածին Ձեր հասանելիությունը և/կամ դրա օգտագործումը, ինչպես նաև Հեռուստակոնտենտը (կամ դրա ծավալը), Հավելվածի որոշակի գործառույթներ, հնարավորություններ կամ Հավելվածի ինտերֆեյսը կարող են տարբերվել։

3.4 Ձեր կողմից շարժական կապի կամ տվյալների փոխանցման ծառայությունների օգտագործման համար համապատասխան շարժական կապի օպերատորների և հեռահաղորդակցության ծառայություններ մատուցողների կողմից կարող են սահմանվել լրացուցիչ վճարային պարտավորություններ, որոնց համար Շանթը պատասխանատվություն չի կրում:

3.5 Catch-up հնարավորությունը կարող է հասանելի լինել և օգտագործվել միայն մեր կողմից սահմանված որոշակի ժամանակահատվածում:

4. ԸՆԴՀԱՆՈՒՐ ՊԱՐՏԱԿԱՆՈՒԹՅՈՒՆՆԵՐ

4.1 Հավելված (կամ դրա որևէ մաս) մուտք գործելու և Հավելվածից օգտվելու համար Շանթին տրամադրում եք Ձեր անունը, ազգանունը, ծննդյան տարեթիվը, ամիսը, ամսաթիվը, քաղաքացիությունը, բջջային հեռախոսահամարը, այդ հեռախոսահամարով ստացված նույնականացման կոդը, Ձեր էլեկտրոնային փոստի հասցեն:

4.2 Հավելված (կամ դրա որևէ մաս) մուտք գործելու և այն օգտագործելու համար Ձեզանից կարող է պահանջվել վճարումներ կատարել Սակագնային պլանով/փաթեթով սահմանված պայմաններին համապատասխան:

4.3 Ձեր ընտրած Սակագնային պլանին/փաթեթին համապատասխան վճարում կատարելու համար կարող են պահանջվել լրացուցիչ տվյալներ (ներառյալ դեբետային/կրեդիտային քարտերի վավերապայմանները):

4.4 Սույնով հավաստում եք, որ վճարման նպատակով տրամադրող տվյալները վավեր և ճշգրիտ են: Դուք պարտավորվում եք ձեռնպահ մնալ դեբետային/կրեդիտային քարտի ցանկացած ապօրինի օգտագործումից։ Վճարման տվյալների անվտանգության պահպանման համար Շանթը պատասխանատվություն չի կրում (մենք պահպանում ենք միայն Ձեր վճարումների պատմությունը, քարտային տվյալներ մեզ մոտ չեն պահպանվում), բացառությամբ այն դեպքերի, երբ հաստատվում է Շանթի ոււղղակի դիտավորությունը այդ տվյալների անվտանգության պահպանման պարտավորությունը խախտելու գծով: Սույնով ընդունում եք, որ Շանթը և/կամ իր վճարային գործակալ(ներ)ն իրավունք ունեն Ձեր ընտրած Սակագնային պլանով/փաթեթով սահմանված հետագա վճարումներն ուսումնասիրել՝ օգտագործելով Ձեր կողմից տրամադրված վճարման վերաբերյալ տվյալները (վճարային մեթոդը): Մեր մարկետինգային բաժինը կարող է դիտարկել Ձեր վճարման եղանակը և հետագայում յուրաքանչյուր բաժանորդի նկատմամբ անհատական մոտեցումների համատեքստում առաջարկել շահավետ ակցիաներ:

4.5 Դուք կարող եք մուտք գործել Հավելված և օգտագործել այն՝ առանձին բջջային հեռախոս(ներ)ի կամ շարժական սարք(եր)ի վրա՝ ելնելով Ձեր ընտրած Սակագնային պլանից/փաթեթից:

4.6 Դուք պարտավորվում եք ստորև ներկայացվող դեպքերի մասին տեղեկանալիս անհապաղ հայտնել մեզ.

4.6.1 Հավելված (կամ դրա որևէ մաս) մուտք գործելու և այն օգտագործելու համար պահանջվող Ձեր վերաբերյալ տվյալի չթույլատրված բացահայտում և/կամ օգտագործում.

4.6.2 Հավելված (կամ դրա որևէ մաս) չթույլատրված մուտք և/կամ դրա օգտագործում (անկախ այն հանգամանքից՝ դա իրականացվել է Ձեր որևէ տվյալի օգտագործմամբ, թե՝ ոչ)։ Նման պարագայում պարտավորվում եք հետևել մեր ցուցումներին։

4.7 Սույնով Դուք երաշխավորում եք՝

4.7.1 մուտք գործել Հավելված, ներբեռնել և/կամ օգտագործել այն բացառապես սեփական և ոչ առևտրային նպատակներով՝ մեր կողմից սահմանված պայմաններին համապատասխան։

4.7.2 սույնով պարտավորվում եք մուտք չգործել Հավելված (կամ դրա որևէ մաս) կամ այն չօգտագործել, ինչպես նաև չաջակցել, չդրդել, թույլ չտալ կամ չլիազորել որևէ այլ անձի մուտք գործել Հավելված (կամ դրա որևէ մաս) կամ այն օգտագործել՝

ա) առևտրային կամ ապօրինի որևէ գործունեության իրականացման համար կամ այդպիսի մտադրությամբ (ներառյալ կոմերցիոն տարածումը), կամ

բ) ցանկացած եղանակով, որը կարող է լինել ոչ իրավաչափ կամ սահմանափակի կամ խախտի այլ անձանց իրավունքները:

4.7.3 Մեզ տրամադրել հավաստի և ճշգրիտ տեղեկատվություն։ Այդպիսի տեղեկատվության ցանկացած փոփոխության մասին տեղեկացնել մեզ:

4.7.4 Հավելված մուտք գործելիս և/կամ այն օգտագործելիս ցանկացած պահի գործել սույն Դրույթներին, Հավելվածի կիրառման պայմաններին, կիրառելի օրենսդրությանը, համապատասխան պետական, տարածքային կառավարման և տեղական ինքնակառավարման մարմինների ակտերին, կարգադրություններին ու պահանջներին համապատասխան, և

4.7.5 Շանթի պահանջով աջակցել և համագործակցել վերջինիս հետ՝ սույն Դրույթների համաձայն Շանթի կողմից իրականացվող ցանկացած ուսումնասիրության, հետազոտության և/կամ գործունեության հետ կապված:

5. ՇԱՆԹԻ ԻՐԱՎՈՒՆՔՆԵՐԸ

5.1 Շանթն իրավունք ունի ուղարկել Հավելվածին (կամ դրա որևէ մասին) վերաբերող ծանուցումներ, Push Notification (ներառյալ կարճ հաղորդագրություններ (SMS), էլեկտրոնային նամակներ):

5.2 Անկախ սույն Դրույթներով նախատեսված որևէ պայմանից՝ Շանթը ցանկացած պարագայում իրավունք ունի և սույնով պահպանում է իր բոլոր իրավունքները՝ ցանկացած պահի արգելափակելու բջջային հավելվածի կամ կայքի առանձին հատված (frame) կամ հղում, հեռացնելու կամ չհրապարակելու ցանկացած Հեռուստակոնտենտ, որը պարունակում է անընդունելի, վարկաբեկիչ, զրպարտչական, իրավախախտ, անպատշաճ, անպարկեշտ կամ անօրինական նյութ կամ տեղեկատվութուն, կամ այնպիսի նյութ կամ տեղեկատվություն, որը հակաօրինական է կամ կարող է խախտել այլ անձանց իրավունքները:

5.3 Մենք իրավունք ունենք տեղեկացնել իրավապահ և այլ իրավասու մարմիններին ապօրինի /այդ թվում կասկածելի/ ցանկացած գործունեության մասին և վերջիններիս օրենքով սահմանված կարգով տրամադրել անհրաժեշտ տեղեկատվություն:

5.4 Շանթն իրավունք ունի փոփոխել Հավելվածը (կամ դրա որևէ մասը) և/կամ Հավելվածի կոնտենտը, ընդլայնել, կրճատել կամ փոխարինել Հեռուստակոնտենտը, ներմուծել նոր գործառույթներ, փոփոխել օգտագործողի ինտերֆեյսը։

6. ՎԵՐԱՊԱՀՈՒՄՆԵՐ

6.1 Շանթը պատասխանատվություն չի կրում և Շանթի կողմից սույն Դրույթների խախտում չի համարվում, եթե երրորդ անձանց մեղքով Հավելվածին (կամ դրա որևէ մասին) հասանելիությունը տրամադրվում է ուշացմամբ կամ Դուք չեք կարողանում մուտք գործել Հավելված (կամ դրա որևէ մաս) և/կամ օգտագործել այն։

6.2 Հավելվածը և Հավելվածի ամբողջ կոնտենտը Ձեզ տրամադրվում են «ինչպես կա, ինչպես հասանելի է» (as is, as available) սկզբունքով։

6.3 Մենք չենք տալիս որևէ երաշխիք կապված՝

6.3.1 Երրորդ անձանց (ներառյալ ցանկացած կոնտենտ տրամադրող) կողմից կամ անունից ցանկացած խափանման, ուշացման, սխալի կամ ցանկացած այլ գործողության կամ անգործության համար,

6.3.2 Հավելվածի (կամ դրա որևէ մասի) ճշգրտության, հուսալիության, անվտանգության, խախտումների բացակայության,

6.3.3 Հավելվածի (կամ դրա որևէ մասի)՝ ցանկացած այլ համակարգի, ենթակառուցվածքի, ինտերֆեյսի, ապրանքի, ծառայության, ցանցի և այլ բաղադրիչների հետ համատեղելիության հետ:

6.4 Հավելվածին (կամ դրա որևէ մասին) Ձեր հասանելիությունը և դրա օգտագործումը, ինչպես նաև նման հասանելիության և օգտագործման որակը կախված են նաև հետևյալ պայմաններից.

6.4.1 Հավելված (կամ դրա համապատասխան մասը) մուտք գործելու և/կամ այն օգտագործելու համար օգտագործվող բջջային հեռախոսի, սմարթ հեռուստացույցի կամ շարժական սարքի մոդելից և տեխնիկական առանձնահատկություններից, և

6.4.2 Հավելված (կամ դրա համապատասխան մաս) մուտք գործելու և այն օգտագործելու պահին համապատասխան ցանցի, ենթակառուցվածքի և/կամ հարթակի առկայությունից, միացումից և որակից, և

6.4.3 Հավելված (կամ դրա համապատասխան մաս) մուտք գործելու և/կամ այն օգտագործելու ընթացքում և տվյալ տարածքում շարժական կապի ցանցերի և ծառայության մատուցման համակարգերի աշխարհագրական և տեխնիկական հնարավորություններից (ներառյալ ինտերնետային միացումը), ինչպես նաև դրանց որակից (ներառյալ թողունակության ծավալը)՝:

6.5 Դուք ընդունում եք, որ Շանթը կնքել է և/կամ կարող է կնքել պայմանագրեր, ձեռք է բերել և/կամ կարող է ձեռք բերել պայմանավորվածություններ Հավելվածների խանութների («Հավելվածների խանութի պրովայդերներ») և դրանց օպերատորների հետ, ինչպես նաև ստանձնել է և/կամ կարող է ստանձնել որոշակի պարտավորություններ վերջիններիս նկատմամբ՝ կապված Հավելվածի՝ որպես բջջային հավելվածի, տարածման հետ։ Շանթը չի ստանձնում որևէ պարտավորություն Հավելվածների խանութի պրովայդերի կողմից որևէ գործողության կամ անգործության հետ կապված կամ դրա հետևանքով ծագած Վնասի համար։

7 ԲԱԺԱՆՈՐԴԱԳՐՈՒԹՅԱՆ ՊԱՅՄԱՆԱԳՐԻ ԴԱԴԱՐԵՑՈՒՄԸ

7.1 Դուք ցանկացած ժամանակ իրավունք ունեք դադարեցնել Հավելվածի Բաժանորդագրության պայմանագիրը, որի դեպքում պահպանում եք Հավելված (կամ դրա համապատասխան մաս) մուտք գործելու և/կամ այն օգտագործելու հնարավորությունը մինչև բաժանորդագրության վճարված ժամկետի (գնված Սակագնային պլանով/փաթեթով սահմանված ժամկետի) ավարտը:

7.2 Սույնով Դուք տալիս եք Ձեր անվերապահ նախնական համաձայնությունը, որ Շանթը պարտավորված չէ որևէ ժամանակ Հավելվածի բաժանորդագրությունը Ձեր կողմից դադարեցվելու դեպքում վերադարձնել բաժանորդային վճարները:

7.3 Սույնով Դուք տալիս եք նաև Ձեր անվերապահ նախնական համաձայնությունը, որ բաժանորդագրության վճարված ժամկետի (գնված Սակագնային պլանով/փաթեթով սահմանված ժամկետի) ավարտին Ձեր կողմից Հավելվածի Բաժանորդագրության պայմանագիրը չդադարեցնելու դեպքում այն համարվում է վերակնքված նույն պայմաններով և նույն ժամկետով:

7.4 Սույն Դրույթներով սահմանված Ձեր պարտականությունների ցանկացած խախտման դեպքում Շանթն իրավունք ունի, առանց Ձեզ նախապես ծանուցելու, կասեցնել կամ դադարեցնել Ձեր Բաժանորդագրության պայմանագիրը և/կամ (մասամբ կամ ամբողջությամբ) Հավելվածին Ձեր հասանելիությունը, Հավելված մուտք գործելու և/կամ այն օգտագործելու Ձեր հնարավորությունը։

8 ՄՏԱՎՈՐ ՍԵՓԱԿԱՆՈՒԹՅԱՆ ԻՐԱՎՈՒՆՔ

8.1 Հավելվածի և ամբողջ Հավելվածի կոնտենտի նկատմամբ կամ դրանց առնչվող Մտավոր սեփականության բոլոր իրավունքները պատկանում են Շանթին, կոնտենտ տրամադրողներին և/կամ երրորդ անձ հանդիսացող լիցենզատուներին։ Սույն Դրույթները չպետք է մեկնաբանվեն որպես այդպիսի Մտավոր սեփականության իրավունքների կամ դրանց որևէ մասի օգտագործման լիցենզիայի կամ իրավունքի տրամադրում Ձեզ:

8.2 Դուք պարտավորվում եք որևէ կերպ կամ որևէ եղանակով չկեղծել, չվերարտադրել, չփոփոխել, չպահել, չպատճենել, չօգտագործել, չփոխանցել, չտարածել, չվերահրապարակել, չներբեռնել, չտեղադրել, չուղարկել, չթարգմանել, գրավ չդնել, ենթալիցենզիայով չփոխանցել, վարձույթով չտրամադրել, վարձակալության չհանձնել, չդեկոմպիլյացնել, մասերի չբաժանել Հավելվածի որևէ կոնտենտ, չիրականացնել դրա վերծանում (reverse engineering) կամ որևէ այլ կերպ չփորձել դուրս բերել համակարգչային համակարգերի կամ այլ տեխնոլոգիաների ելակետային կոդը, որոնք օգտագործում կամ տեխնիկապես ապահովում են Հավելվածը և/կամ ցանկացած Հավելվածի կոնտենտ, կամ չստեղծել Հավելվածի և/կամ Հավելվածի կոնտենտի (ներառյալ օգտագործողի ինտերֆեյսերի) հիման վրա որևէ ածանցյալ գործեր և պարտավորվում եք որևէ կերպ չաջակցել, չնպաստել, թույլ չտալ կամ չլիազորել որևէ անձի կատարելու վերոնշյալ գործողություններից որևէ մեկը: Սույն Դրույթների իմաստով՝ «վերծանում» հասկացությունը ներառում է Հավելվածի և/կամ որևէ Հավելվածի կոնտենտի ուսումնասիրությունը կամ վերլուծությունը՝ դրա ելակետային կոդը, կառուցվածքը, կազմությունը, ներքին դիզայնը, ալգորիթմները կամ դրա հիմքում ընկած տեխնոլոգիայի կոդավորման սարքերը պարզելու համար:

Ներբեռնեք ամենուր